As ’n mens net na die boumateriale van die Evolution 3 kyk, weet jy jy belê in ’n boswoonwa wat jou jare se diens gaan gee. En met al die standaardtoerusting kan jy omtrent net haak en gaan kamp.
Die onderstel bestaan uit 3CR12- vlekvrye staal en dele van die romp ook – saam met aluminium. Dit beteken verweer is omtrent heeltemal uitgeskakel.
Jy kort net ’n ys-vrieskas en jy kan in die pad val, want die kombuis is reeds toegerus – jy kry ’n gasstoof (gassilinder ingesluit), watertenk, geiser, 12 V/220 V-kragstelsel, ligte en ’n afdak. Daarby is ’n netjiese slaapplek vir ’n kind skuins langs die hoofbed.
Die Evolution 3 pas dus ’n jong gesin soos ’n handskoen.
Begin voor
Die Evolution 3 se ronde neus is kenmerkend, en dis ’n ruimte wat slim ingerig is. Die boonste deel