Partykeer wonder ek hoekom mens oor so baie dinge wonder. Dan troos ek my dis seker maar oor ek met chroniese nuuskierigheid gebo-re is. Want dié ly ek mos aan, benewens my probleme met ’n agterent wat jeuk en oë en ore wat ek alewig uitleen.
Baie keer wonder ek byvoorbeeld hoe plekke gelyk het voor die mens daar kom penne inslaan het. Soos Kaapstad. Hoe sou Roggebaaistrand gelyk het toe daar nog dierspore gelê het waar nou toringgeboue staan? Dink net: Miskien ’n helder waterstroompie met ’n leeumannetjie wat teen ’n wyfie sit en skuur, daar waar Teazers nou of bedelaar nie, net die Nuweveldberge wat daar troon. Of Polokwane: ’n Stuk veld sonder ’n enkele taxi!
