As jy ‘n Fast and Furious-aanhanger is, sal die Eclipse-naam nie vir jou onbekend wees nie. Dit is daardie sexy groen koepee wat deur die fliek se protagonis, Brian, bestuur word (wat hy ná sy eerste wedren opblaas). Die kamee-rol van die Eclipse in hierdie aksiefliek was dalk van korte duur, maar dit het ietwat van ‘n kultus-aanhang onder entoesiaste tot gevolg gehad.
Met die Eclipse Cross, het Mitsubishi hierdie legendariese naam laat herleef. Dit was egter nie ‘n sexy sportkoepee nie, maar eerder ‘n sinvolle oorkruis sportnutsvoertuig. Gevolglik het baie – en ekself – dit afgeskryf as net nog ‘n groot korporasie wat ons probeer mislei het om ‘n nostalgiese aankoop te doen