Gedurende die laat ses-tiger- en vroeë sewentigerjare het ek, Flip Loock en Isak van Zyl die geleentheid gehad om 21 olifante en 7 buffels in Botswana en Suid-Rhodesië (nou Zimbabwe) te jag. Ons was destyds almal SAL-vlieëniers met die rang van kaptein. Met min ondervinding en baie moed was ons egter tog taamlik suksesvol.
Tydens een van ons jagtogte in Botswana het ons ’n enkeltand-olifant (80-ponder) in die Khadum-rivierloop naby Shakawe geskiet. Al die ander olifante se tandgewigte het van 30 tot 50 lb gewissel.
IN DIE VOETSPORE VAN DIE OU JAGTERS
Dit was vir ons interessant om boeke van die vorige eeu se olifantjagters te koop en oor hul wedervarings in die jaggebiede te lees. 1864-1875, beskryf hoe hy in die Shashigebied gejag het. Hy merk in sy boek op hoe die “boerbokke” floreer, maar dat die olifante min raak. Ons het 100 jaar ná Finaughty in dieselfde gebied gaan jag en ons eerste vier olifante daar geskiet.