JAPAN SE EIE MEGS & HARRY
HULLE word Japan se Meghan en Harry genoem, en die ooreenkomste is duidelik: ’n Koninklike raak verlief op ’n nieadellike en doen afstand van hul rykdom, status en voorregte en trek dan Amerika toe om ’n nuwe lewe te begin.
Die romanse tussen prinses Mako, broerskind van die land se keiser Naruhito, en haar nieadellike kêrel, Kei Komuro – met sy rebelse poniestert en Westerse maniere – het Japan aangegryp en ook verdeel.
Die prinses en die regsgeleerde het onlangs – ná jare se omstredenheid – eindelik in ’n stemmige burgerlike seremonie getrou. Dié geleentheid was die einde van ’n lang en onstuimige pad na die kansel wat daartoe gelei het dat Mako (30) haar koninklike status
