VOLHOUBARE HORISONTALE INTEGRASIE SKEP GELEENTHEDE EN VERSPREI RISIKO
Met hul vier jong kinders wat eendag die hele Bhetjane Cattle Co (Bhetjane) en sy ondernemings gaan erf, is die boere-egpaar mnr. DF en me. Marlise Fyfer deeglik bewus daarvan dat hul optrede vandag op hierdie eiendom by Louwna in Noordwes ’n groot invloed sal hê of die kinders uiteindelik die begunstigdes van ’n omgewings- en finansieel volhoubare besigheid is.
Bhetjane is in 1987 deur Fyfer se oorlede pa, Ben, gestig. Ná sy pa se dood in 2014 het Fyfer dié landboubesigheid oorgeneem.
Bhetjane se primêre onderneming is kommersiële beesvleisproduksie met Fyfer se selfontwikkelde saamgestelde ras, die Adaptor. Dié komposiet-ras bevat teelmateriaal van die Nguni-, Boran-,
