NUWE LIEFDE, NUWE KATIE
SY WAS nog nooit ’n ster wat haar hart op haar mou gedra het nie, maar kyk nou so vir Katie Holmes. Die beeldskone brunet is dolverlief – en anders as toe sy voorheen aan die sy van Hollywood-bekendes was, gee sy dié keer skynbaar nie om wie kyk nie.
Die man wat haar voete onder haar uitgeslaan het? ’n Aantreklike Italiaanse sjef, Emilio Vitolo jr., wie se pa een van die gewildste Italiaanse restaurante in New York besit.
Die twee is alte danig met mekaar sedert hulle vroeër vandeesmaand die eerste keer saam in die openbaar gesien is.
