Staatsbegroting dompel SA dieper in skuld
L aat ons sommer met die huis in die deur val: In teenstelling met die populêre media se tromme en trompetgeskal oor die “goeie” begroting en dat die minister van finansies die moed het om vakbonde in die staatsdiens aan te vat, moet ’n klaaglied eerder aangehef word.
Mnr. Tito Mboweni, minister van finansies, het die jaarlikse begrotingsrede op 26 Februarie gelewer en daarin inligting verskaf oor waar en hoe die staat sy inkomste gaan kry met belastings, asook hoe uitgawes van die staat toegewys gaan word in die volgende jaar, met ’n raming vir die volgende drie jaar.
Suid-Afrikaners word met mooi woorde gepaai, want die staatsuitgawes gaan in die 2020-’21-boekjaar met sowat 6%
