FAUNA EN FLORA

Bewaring – ’n kritieke faset van ons omgang met die natuur – het nie ’n lang geskiedenis nie. Maar terselfdertyd is dit ook glad nie ’n nuwe begrip nie. Voor holistiese omgewingsbewaring soos ons dit nou verstaan, was daar al natuurbewaring, en voor dit was daar wildbewaring.

Een van die pioniers hiervan was James Stevenson-Hamilton, ’n Kakie wat nogal nuttig uitgedraai het na die beëindiging van die Anglo-Boereoorlog. Toe hy op 1 Julie 1902 in beheer gestel is van die nuut-geproklameerde Sabie-wildreservaat, het bewaringswetenskap en ekologie as vakgebiede natuurlik nog