BABABOEPIES
SY HET haar eerste swangerskap geheim gehou, en dit lyk of sy weer dieselfde probeer doen – maar die boepie verklap als!
Op foto’s wat die Spaanse tydskrif Hola! verkry het, spog die voormalige tennisliefling Anna Kournikova (38) met ’n bababoepie op ’n boot in Miami saam met haar jarelange lewensmaat, die sanger Enrique Iglesias (44).
Die twee het hul aanhangers in die duister gehou oor hul eerste swangerskap en eers dae ná die babas se geboorte bekendgemaak hulle het die tweeling Lucy en Nicholas (nou 2) verwelkom.
Die twee, wat sedert 2001 saam is nadat hulle mekaar op die stel van sy musiekvideo vir “Escape” ontmoet het, is bekend daarvoor
