(مُــــــــــــلك - الخيانة العظيمة (الجزء الرابع: مُــــــــــــلك - الخيانة العظيمة, #4

By alaa zaher

في البداية قد تعتقد إنها قصة عن دولة والعائلة الحاكمة لها والمصاعب التي يتعرضون لها من أجل البقاء معاً ولكن في النهاية تكتشف إنها ليست شيئاً من هذا القبيل وإنما هي قصة تحكي عن أب فعل المستحيل كي ينتقم من قاتل ابنه الذي هو فرد من العائلة الحاكمة ونجاحه بذلك

• Language: العربية
• Publisher: alaa zaher
• Release date: Apr 16, 2024
• ISBN: 9798224670048

alaa zaher

I am an Egyptian young man, I was born in a poor neighborhood, and although life was difficult, I have nothing to complain about. Some people spends a life time searching for meaning in their lives, for the reason for which they were born to do, but in my case, I discovered that writing is my life, rather it is the reason which I was born to do, and all I'm asking from the universe and the world is only one thing, a chance to prove my true talent, and all you have to do is to decide whether I deserve to be given a chance or not

Book preview

رواية

مُــــــــــــلك

(الخيانة الملحمية)

الجزء الرابع

(الخاتمة)

تأليف

علاء الدين زاهر

تحذير

يجب قبل قراءة هذه الخاتمة قراءة الجزء الأول والجزء الثاني والجزء الثالث

الفصل 25

مشهد1

المكان: زنزانة روقيه  الزمن: نهار – داخلي

تكون روقيه جالسة بالزنزانة وتبكي ويأتي إلها النعمان ومالك ليستجوبوها

النعمان: ها يا روقيه جاهزة

روقيه: الأول أبويا يا مولاي ملوش ذنب في اللي عملته يكمل علاج لغاية ما يخف

النعمان: لو مشيتي معايا دوغرى وملفيتيش عليا يبقى اللي عيزاه هيحصل

روقيه: أنا تحت أمرك يا مولاي

النعمان: قتلتيه ليه

روقيه وهي تبكي: عشان كان ندل وجبان دخل عليا بالحنجل والمنجل لغاية ما وقعني وبعدين رماني رمية الكلاب ... كان لازم انتقم ... كان لازم يدفع الثمن

النعمان: قتلتيه إزاى

روقيه وهي تبكي: روحت له بالليل أترجاه أخر مرة يستور عليا ويعترف باللي في بطني ورفض فقتلته وهربت لكن مسكتونى في الاخر

النعمان: يعنى إنتى حامل دلوقتى 

روقيه وهي تبكي: أيوة

النعمان: أخر سؤال يا روقيه قتلتيه بإيه

روقيه وهي تبكي: بالسكينة يا مولاي

فيهم النعمان بالرحيل لكن تنادى عليه روقيه

روقيه: أبويا يا مولاي ... أرجوك ميعرفش حاجة عن اللي حصل بيني وبين أنس لما تعدمونى قولوه أي سبب تانى

فلا يرد عليها النعمان ويخرج من الزنزانة

النعمان إلى مالك: البت دية كدابة يا باشا مش هي اللي عملت كده

مالك: ليه بتقول كده يا مولاي الدافع بتاعها واضح

النعمان: عشان رئيس الدورية بيقول ان أنس مات بطعنة خنجر مش بسكينة يا باشا

مالك: وطب وهي تورط نفسها ليه

النعمان: عشان توفر على نفسها الفضيحة عايزة تموت فبل ما فضحيتها تبان

مالك: طب والعمل يا مولاي

النعمان: مفيش غير الخنجر يا باشا روح هاتوه من مكتب الدورية وشغل عصافيرك عايز أعرف الخنجر ده بتاع مين يا باشا

مالك: أمرك يا مولاي

مشهد2

المكان: دكاكين الحدادة  الزمن: نهار – خارجي

يمسك أحد عصافير مالك بالخنجر ويلف على دكاكين الحدادة ليعرف من هو صاحب الخنجر فيصل إلى أول دكان ويسأل الحداد

العصفورة: بقولك يا معلم تعرف بتاع مين الشغل ده

ال حداد1: لا معرفش

العصفورة: ماشي شكراً

فيذهب إلى دكان تانى ويسأل الحداد

العصفورة: صباحك عسل يا معلمة متعرفش الشغل ده بتاع مين

ال حداد2: حتة نضيفة بس للأسف مش أنا اللي عاملها ... تحب تبيعها

العصفورة: متشكر يا معلم أنا بسأل بس

ال حداد2: وماله بس لو حبيت تبيعها تعالي عندي وأنا هديك أعلى سعر في السوق

العصفورة: ما نتحرميش يا معلمة

ويذهب العصفورة إلى دكان ثالث ويسأل الحداد

العصفورة: بعد إذنك يا معلم الناس كلها بتقول ان الخلاصة عندك إنت يا كبير

ال حداد3: أؤمر

العصفورة: الحتة دية شغل مين

ال حداد3: الحتة دية شغل وارد مش من هنا وواحد بس اللي بيشتغل فيه

العصفورة: مين يا معلم

ال حداد3: المعلم نعيم الجحش صاحب الورشة اللي في أول السوق

فيكون نعيم الجحش هو ال حداد1 الذي سأله العصفورة في البداية فيتأكد العصفورة ان نعيم يعرف شيئا عن الخنجر فيظل يراقبوه

مشهد3

المكان: غرفة مرجانة  الزمن: نهار – داخلي

تكون درة جالسة مع مرجانة في غرفتها وتواسيها

درة: أنا مش مصدقة يا مولاتي ... مولاي يعمل كده

مرجانة: طول السنين دية بنام جمبه وهو بيكدب عليا يا درة

درة: مش عارفة يا مولاتي اقولك إيه طب ما تجربي تسمعي منه الأول وبعدين أوحكمى

مرجانة: أسمع منه إيه يا درة .... أسمع ان أنا مكنتيش كفاية بالنسباله .... أسمع انه عرف واحدة عليا وخلف منها كمان

فيأتي النعمان فجأة

النعمان إلى درة: لو سمحتي يا درة يا بنتي سيبينى أنا والملكة لوحدينا عايز أتكلم معاها

مرجانة إلى النعمان: أنا مش عايزة أتكلم في حاجة

النعمان إلى درة: يلا يا درة لو سمحتي

فتنهض درة

درة إلى مرجانة: بعد إذنك يا مولاتي

وتخرج درة ويجلس النعمان بجوار مرجانة

النعمان: كان اسمها مليكا إتعرفت عليها في حرب كرزدان وداغران ساعة لما كنت في طريقي لتاليستان عشان اعمل اتفاق مع والديك وحبيتها بجد من كل قلبي

مرجانة: إنت جاي تكيدني يا نعمان أكتر ما أنا مكادة

النعمان: من فضليك يا مرجانة سيبينى أتكلم ... كنت بفكر أتجوزها وكان هيحصل لولا حاجة حصلتلى لغبطت كل حساباتي

مرجانة: إيه

النعمان: أبوكى اشترط عليا عشان ميدخلش في الحرب انى أتجوز بنته وإتجوزتها وفضلتها على حبيبتي وعيشنا مع بعض أجمل سنين حياتنا وخلفت منها أربع عيال ميتقالش عليهم غير انهم كانوا نعمة حياتي

مرجانة: وخبيت عليا كل السنين دية ليه

النعمان: عشان مكنتيش عامل حساب ان فيه حد هيجي يدق على باب الماضي يا مرجانة ... بس خلينى أقولك الكلمة الناهية إنتى مراتي وملكتي وحبيبتي ومفيش حاجة هتغير ده

مرجانة: مش عارفة هقدر أصدقك تانى ولا لا يا نعمان كل اللي عرفاه انى محتاجة شوية وقت

النعمان: حقيك يا مرجانة وأنا مهما حصل هفضل موجود عشانيك

مشهد4

المكان: أمام دكان نعيم  الزمن: ليل – خارجي

يغلق نعيم دكانه ويبدأ بالتحرك ويمشي وراؤه العصفورة ويتتبعه إلى ان يصل نعيم إلى بيت ويطرق عليه فيفتح له الشاب الذي تعارك مع أنس في الخمارة فيقترب العصفورة ليسمع كلامهم

الشاب: إنت جيت هنا ليه ... إنت إجننت

نعيم: إلحق يا باشا فيه واحد جالي النهاردة وسألني الخنجر بتاعك بتاع مين

الشاب: إوعى تكون جبت سيرتي في حاجة يا بهيم

نعيم: متقلقش يا باشا أنا قولت له ان أنا معرفش مين اللي عمله أصلاً

الشاب: طب كويس استمر على كده وإوعى تيجى هنا تانى إنت فاهم

ويغلق الشاب في وجه نعيم ويرحل نعيم ويبدأ القاتل بتذكر كيف قتل أنس

مشهد5

المكان: بيت أنس  الزمن: ليل – داخلي

يكون أنس يشرب الخمر ويأتي القاتل إليه

أنس: إيه ده هو إنت .... جاي ليه

القاتل: جيت عشان أعتذر لك أنا كنت سكران ومش في وعيي ... أرجوك سامحني

أنس: وماله طالما عرفت غلطك يبقى عادى محصلش حاجة

القاتل: يبقى نشرب كأسيين محبة بقي

أنس: وماله تعالي

فيصب أنس كأسيين ليشربوهم

القاتل: انما إيه الهدوء ده إنت عايش لوحدك

أنس: لا عايش مع أبويا بس هو مسافر دلوقتى

القاتل: يعنى إنت لوحدك دلوقتى

أنس: لوحدي إزاى ما إنت معايا أهو

القاتل: عندك حق

أنس: في صحتك

القاتل: في صحتك

فحين يقوم أنس بشرب الكأس يطعنوه القاتل بالخنجر

القاتل: قولت لك هتدفع ثمن اللي عملته

فيلف أنس بالغرفة ويتوجع من الالم إلى ان يجلس على الكرسي ويموت ثم يسمع القاتل صوت أشخاص قادمين فيتوتر ويهرب

مشهد6

المكان: دكان صادق  الزمن: ليل – داخلي

يدخل صادق دكانه ويجد رشوان بالداخل برفقة الكثير من الرجال

رشوان: كله تمام يا صادق

صادق: الرجالة دية عارفة هما داخلين على إيه

رشوان: عيب عليك وإدتيهم الطاق ثلاثة

ثم يتوجه صادق إلى الرجال للكلام

صادق: بكره يوم كبير محتاج مش بس رجالة ... محتاج كمان يكون الرجالة دية قلبها ميت ... إحنا مش رايحين بكره نزهه إحنا رايحين بكره يا قاتل يا مقتول فاللي عايز يروح دلوقتى