Рэспубліка глухіх

By Ілля Камінскі, Юля Цімафеева and Вальжына Морт

Дзеянне "Рэспублікі глухіх" разгортваецца ў перыяд палітычнай смуты на адной акупаванай тэрыторыі. Хаця месца і час дакладна не вызначаны, здаецца, што ў тых жудасных падзеях мы пазнаём сваю эпоху і сваю краіну. 

Ашаламляльная вершаваная прыпавесць, якая па форме нагадвае драматычны твор, адкрываецца сцэнай забойства акупантамі глухог

• Language: Беларуская мова
• Publisher: Skaryna Press
• Release date: Oct 4, 2023
• ISBN: 9781915601223

Ілля Камінскі

Ілля Камінскі нарадзіўся ў Адэсе, цяпер амерыканскі грамадзянін. Аўтар паэтычнага зборніка "Dancing in Odessa" і сурэдактар "The Ecco Anthology of International Poetry". Уладальнік прэміі Whiting Award, стыпендый Lannan Literary Fellowship і Guggenheim Fellowship, фіналіст міжнароднай прэміі Neustadt International Prize for Literature. Яго творы перакладзены на больш як на дваццаць моў.

Book preview

Ілля Камінскі

Рэспубліка глухіх

Пераклад з англійскай Юлі Цімафеевай і Вальжыны Морт

Skaryna Press

2023

DEAF REPUBLIC

First published in 2019 by Graywolf Press.

All rights reserved.

Skaryna Press

2023

ISBN 978-1-915601-21-6 (paperback)

ISBN 978-1-915601-22-3 (epub)

Рэдактарка Арына Астроўская

Карэктар Алесь Дуброўскі

Тэхнічны рэдактар Ігар Іваноў

Copyright © 2019, Ilya Kaminsky

Copyright © 2023, Юля Цімафеева, Вальжына Морт, пераклад на беларускую

Copyright © 2023, Skaryna Press, афармленне

Памяці Элы і Віктара Камінскіх

Для Кэйці Фэрыс

Мы жылі шчасліва падчас вайны

І калі яны бамбілі чужыя дамы, мы

абураліся,

але замала, мы пратэставалі, але

замала. Я сядзеў

у ложку, вакол майго ложка Амерыка

развальвалася: нябачны дом за нябачным домам за нябачным домам.

Я вынес зэдлік на двор і глядзеў на сонца.

У шосты месяц

паскудства ў доме грошай

на вуліцы грошай у горадзе грошай у краіне грошай,

у нашай прыўкраснай краіне грошай мы (злітуйся над намі!)

жылі шчасліва падчас вайны.

Рэспубліка глухіх

Дзейныя асобы

ЖЫХАРЫ ГОРАДА ВАСЕНКІ — хор, мы, ад чыйго імя вядзецца аповед; на балконах вецер паторгвае іх за вяроўкі для бялізны.

АЛЬФОНС БАРАБІНСКІ — лялечнік, малады муж Соні, і я, ад чыйго імя вядзецца аповед у акце І.

СОНЯ БАРАБІНСКАЯ — найлепшая лялечніца ў Васенцы, маладая жонка Альфонса, чакае дзіця.

ДЗІЦЯ — у Соніным чэраве, памерам з марскога канька, спіць; пазней — Ганулька.

ПЕЦЯ — глухі хлопчык, стрыечны брат Соні.

МАМУЛЯ ГАЛЯ АРМАЛІНСКАЯ — дырэктарка лялечнага тэатра, падбухторвае жыхароў да мяцяжу, і я ў акце ІІ.

ГАЛІНЫ ЛЯЛЕЧНІЦЫ — навучаюць мове жэстаў з тэатральнага балкона, нібыта рэгуліроўшчыцы:

Салдат — палец, як дзюбай, выдзёўбвае адно вока.

Ціхар — пальцы выдзёўбваюць абодва вокі.

Ваенны газік — сціснуты кулак, выкінуты наперад.

САЛДАТЫ — прыбываюць у Васенку защищать нашу свободу, размаўляюць на мове, якую ніхто не разумее.

ЛЯЛЬКІ —