Host the Holy Ghost (Cebuano edition)

By Vladimir Savchuk

Ang imong pagkasuod sa Balaang Espiritu mao ang yawe sa kaisog ug ang kaisog mao ang yawe sa mga milagro.

Ang tanang magtoto-o ni Kristo adunay relasyon sa Balaang Espiritu, apan dili tanang magtoto-o adunay kasuod uban Kaniya. Ang Balaa

• Language: Cebuano
• Publisher: Vladimir Savchuk
• Release date: Mar 1, 2024
• ISBN: 9798893140064

Vladimir Savchuk

Vladimir Savchuk leads the HungryGen movement and pastors a multi-cultural church with a clear-cut, focused vision to win souls and make disciples. They focus on the salvation of souls, healing, deliverance, and the raising up of young leaders. He leads the annual "Raised to Deliver" conferences which attract thousands from all over the globe. He also leads three different internships, one for teens and two for young adults. Pastor Vlad is a sought-after speaker at conferences and camps. Vlad was born in Ukraine and raised in a Christian home. He immigrated to the U.S. at the age of 13 and became a youth pastor at 16. At the age of 30, he became the lead pastor of the HungryGen Church. He is married to his beautiful wife, Lana, with whom he enjoys spending time and doing ministry together.

Book preview

Ang Pag-abiabi ug Pagtagad sa Bala-ang Espiritu

HOST THE HOLY GHOST

Copyright © 2023 by Vladimir Savchuk Ministries

www.pastorvlad.org

All rights reserved.

Please direct your inquiries to [e-mail]

ISBN: 979-8-89314-005-7

Pasi-una:

Ang Bakul nga Kristuhanon

Nagdako ako sa usa ka konserbatibo nga Pentekostal nga simbahan didto sa lugar sa Ukraine. Didto ko unang nakakat-on mahitungod sa Bala-ang Espiritu ug pagsulti sa la-ing mga pinulongan. Bisan og daghan na kog nadung-gan nga mga wali mahitungod sa Bala-ang Espiritu, sa gihapon Siya usa ka misteryo kanako. Sa pagkatinu-od, kasagaran, gitawag nako Siya ingon nga kini: sama sa pwersa, usa ka hangin, o usa ka labaw pa kay sa kina-iyahan nga gahum. Wala nako lantawa ang Bala-ang Espiritu isip usa ka Persona. Labaw pa Siya sa usa ka ma-ayong pagbati, usa ka atmospera, gahum, o pisikal nga mobagting nga kasinati-an nga akong mabati sa matag higayon nga ang akong paboritong kanta ang giawit ug napukaw ang ak ong emosyon.

Sa edad nga trese, mibalhin ang akong pamilya sa Estados Unidos. Pipila ka tu-ig nga nanglabay, human ko naminyo sa akong asawa, namatikdan nako nga lahi ka-ayo ang iyang pakiglambigit sa Bala-ang Espiritu. Ang iyang mga pakig-istorya kanako nakapahimo ug nakapa-amgo kanako nga wala ako maka-ila sa Bala-ang Espiritu isip usa ka Persona. Sa matag higayon nga iyang gihulagway kanako sa unsang pama-agi gisugat siya sa Dios, mogamit siya og mga hugpong sa mga pulong nga sama sa, Ang Bala-ang Espiritu mi-anhi kanako, Nakigsulti kanako ang Bala-ang Espiritu, o Mibisita kanako ang Bala-ang Espiritu. Wala siya mo-ila Kaniya nga basta-basta na lamang; nahimo ang Bala-ang Espiritu nga Espiritual gayud nga tinu-od nga Persona kaniya. Sa kanunayng panahon sama nga naghisgut siya sa usa ka su-od nga higala niya. Apan alang kanako, sa matag higayon nga akong gihulagway ang usa ka pagpakigkita sa Di-os, akong gitawag kini isip nga presensya sa Di-os, ang gahum sa Gino-o, o ang dihug sa Gino-o.

Wala gayud ako makahuna-huna nga tawgon ang Bala-ang Espiritu pina-agi sa Iyang ngalan. Bisan tu-od kanunay akong nagwali mahitungod sa Bala-ang Espiritu, wala nako Siya isipa nga tinu-od nga Persona. Nahinumdom ko nga adunay higayon, misa-ad ko sa akong ka-ugalingon nga sugdan nako ang paghatag og pahinungod sa akong mga kasinati-an sa presensya sa Di-os ngadto sa Persona sa Bala-ang Espiritu. Gibuhat ko kana sa hapit duha ka semana, ug sa maka-usa pa, nakalimot ko ug mibalik sa akong kara-an nga pag-ila Kaniya. Ang Bala-ang Espiritu ma-o ang akong nakalimtan nga Dios—ang Dios nga wala ma-ilhi sa personal. Kon lantawon pagbalik, matandi nako ang akong ka-ugalingon ug ang uban nga wala maka-ila sa Bala-ang Espiritu sa personal sama niadtong bakul nga tawo sa Mga Buhat 3.

Didto sa gangha-an nga ginganlag Matahom, may usa ka tawo nga bakul sukad pa sa iyang pagkahimugso. Matag adlaw gihatud siya ngadto sa Templo aron magpakalimos sa mga tawo nga manulod didto. Sa pagkakita niya kang Pedro ug kang Juan nga misulod sa templo, nagpakalimos siya kanila. (Buhat 3:2-3)

May pagkasusama ako ni-ining tawhana. Wala ako matawo nga bakul sa pisikal apan ang pisikal nga kahimtang ni-ining tawhana ang hulagway sa akong ispiritwal nga problema. Natawo siya nga bakul gikan sa sabakan sa iyang inahan. Gidala siya ngadto sa templo aron magpakilimos og kwarta. Apan usa ka adlaw ni-ana nahimamat niya si Pedro ug si Juan ug, imbes nga hatagan siya’g kwarta gihatagan nila siya sa mas bililhon pa nga nakapa-usab sa iyang tibu-ok kinabuhi.

Kining bakul nga tawo adunay mga bati-is sa pagkahimugso apan kadtong mga bati-is niya wala molihok ug dili makalakaw. Taga-an kini nako og gibug-aton: natawo siya nga may mga bati-is apan nagkinabuhi siya nga wala kini gamita; nagkamang hinu-on siya ug kinahanglan nga pas-anon sa uban. Ang iyang problema dili kay wala siya’y mga ti-il; apan ang iyang mga bati-is wala lamang makasuporta kaniya. May mga ti-il ug bati-is kita, dili lamang aron nga na-a kana sa atong lawas, apan aron nga madala kita ni-ini bisan asa kita gusto mangadto. Wala modala kaniya ang iyang mga ti-il; apan ang nahitabo hinu-on mao nga siya ang nagbitbit ni-ini.

Sukad sa pagkapakyas ni Adan, ang tanan, sa ilang natural nga pagkahimugso, nanawat og gasa gikan sa yawa—ang kina-iyang makasasala. Bisan pa ni-ana, tungod sa kamatayon ni Kristo Hesus sa krus, ang atong langitnong Amahan naghatag kanato og bililhon nga gasa sa atong bag-ong pagkatawo—ang Bala-ang Espiritu. Gihatag kanato ang Iyang Espiritu sa takna nga kita nakabig, ang atong bag-ong espirituhanong pagkahimugso, nga gitawag natong kaluwasan. Sa diha nga natawo na kita pag-usab, gidapit gyud nato ang Bala-ang Espiritu nga mo-abot sa atong kinabuhi aron maoy maghari sa pagbu-ot. Nagpasakop ta Niya ug ang atong kinabuhi na-usab—natawo na kita pag-usab! Dili mo-abot ang Bala-ang Espiritu isip usa na sab ka pagpata-as sa lahi na sab nga ang-ang o human sa atong pagpabawtismo sa tubig. Ug sukwahi sa ilado nga pagtu-o sa Pentekostal, nga ang Bala-ang Espiritu wala mo-abot aron mopuyo kanato sa dihang nagsugod kita pagsulti sa la-ing pinulongan. Dili Siya usa ka ganti tungod kay na-abot ang usa ka ang-ang sa espirituhanong pagkahamtong. Ato-a na Siya, ug nagpuyo na Siya kanato sa higayon nga natawo kita pag-usab!

Balikan nato ang bakul nga tawo. Sama nga siya adunay mga bati-is sa iyang pagkahimugso ma-o usab kini kanato; nadawat nato ang Bala-ang Espiritu sa atong espirituhanong pagkatawo pag-usab. Walay usa kanato nga maglakaw na sa sabakan pa lang sa atong inahan. Gikinahanglan natong makakat-on unsa-on paggamit sa atong mga bati-is sa paglakaw. Apan ang uban mas dugay makakat-on kay sa uban. Sa la-ing pagkasulti, uban sa pagpanganak mo-abot ang bati-is, apan ang paglakaw nagkinahanglan og pag-ensayo. Gasa ang mga bati-is apan ang paglakaw usa ka pagbuhat. Usa ka dali nga panghitabo ang imong pagkahimugso, apan ang paglakaw nagkinahanglan og panahon sa pagkat-on. Mahitungod sa bakul nga tawo sa libro sa mga Buhat, ang makasubo, aduna siyay pisikal nga pagkabaldado ug gikinahanglan niya nga magkamang ug magsalig lang sa uban nga mo-agak kaniya.

Nahisama kini sa akong pakigrelasyon sa Bala-ang Espiritu, ug naghuna-huna ako nga tingali og nahisama ni-ini ang kadaghanan nga mga Kristohanon. Na-a sa ako-a ang Bala-ang Espiritu sa akong kasing-kasing, sama nga kining bakul nga tawo may mga bati-is sa iyang lawas, apan wala nako ma-ilhi ang Bala-ang Espiritu isip usa ka personal nga higala. Bisan tu-od nga ani-a Siya kanako, wala ako maglakaw ug nakig-istoryahanay Kaniya. Ang akong espirituhanong kinabuhi ug buluhaton mas naglakaw sa karnalidad imbes nga maglakaw nga ma-isugon diha sa Espiritu. Usa ko ka bakul nga Kristohanon.

Gidasig ni Pablo ang mga magtuto-o nga na-ay Bala-ang Espiritu nga maglakaw diha sa Espiritu (Galasya 5:16). Ang tanang Kristohanon na-ay Bala-ang Espiritu, apan dili tanang Kristohanon naglakaw diha Kaniya. Kadaghanan nato sama aning bakul nga tawo:

Aduna tay mga ti-il apan wala maglakaw

Aduna tay mga ti-il apan wala kini modala kanato.

Adunay mga ti-il apan gidala kita og la-ing mga tawo ngadto sa templo.

Aduna kitay mga ti-il apan nanglingkud kita sa gangha-an imbes nga mosulod.

Adunay mga ti-il apan nangayo ta og mga butang nga pangsegunda na lamang.

Adunay mga ti-il apan nanghigda kita sa yuta.

Aduna kitay Bala-ang Espiritu apan wala kita kanunay magkinabuhi og kinabuhi nga gitugyan ngadto Kaniya. Nahimo kining normal nga pagkinabuhi nga karnal sumala sa unod. Mireklamo ta, nasubo sa atong kapalaran, ug may pangutana sa atong kapalaran. Nganong ato mang gipas-an ang kabug-at sa atong kaminyo-on, sa buluhaton ug mga panalapi nga nag-inusara, bisan pa man nga ani-a kanato ang Espiritu sa Dios? Aduna kitay Bala-ang Espiritu nga nagpuyo kanato, apan kita hinu-on ang na-ngita ug nagsalig sa uban alang sa mga solusyon.

Daghan ka-ayong mga tawo ang nagpabilin sa gangha-an sa usa ka nindot nga kalampusan apan napakyas sa pagsulod ni-ini. Ang ilang pag-ampo walay la-in kondili ang paggukod sa mga butang nga gisa-ad sa Gino-o sa ilaha. Apan wala silay makita nga resulta. Ang ilang espirituhanong pagkinabuhi mahimong ma-ilhan tungod sa pagsalig sa ka-ugalingon imbes nga maglakaw sa Espiritu sa Dios, magbarug sa Pulong sa Gino-o, ug pagpahulay sa nahuman na nga gibuhat ni Kristo ingon nga gihulagway sa Salmo 1. Wala sila mamunga og malungtarong espirituhanong bunga tungod sa tanang ka-apiki ug kasamok sa ilang kinabuhi. Ma-o gayud kini ang insaktong paghulagway sa bakul nga Kristohanon: usa ka kansang kinabuhi gilangkub sa abilidad sa paglihok lamang sa natural nga dapit. Aduna lamay gamay nga supernatural nga mga panghitabo sa iyang kinabuhi—ang iyang mga kalampusan resulta lamang sa iyang ka-ugalingong pagpaningkamot. Dili molimod ang bakul nga magtutu-o sa Bala-ang Espiritu, apan nagkinabuhi nga wala siya magsalig Kaniya, ug busa, ang resulta gamay ra. Ni-ini nga sitwasyon, ang Kristohanon nga kinabuhi mahimong lisud, ug usahay mahimong la-ay.

Kita nga mga magtutu-o, wala magpasabot nga mag-inusara sa pagpas-an sa gibug-aton sa kinabuhi ug sa daghang mga responsabilidad ni-ini. Nagpuyo kanato ang Bala-ang Espiritu aron sa pagtabang kanato nga may koneksyon sa Gino-o pina-agi sa atong pag-ampo ug sa buluhaton. Gusto Niya nga mopaga-an sa bug-at nga mga palas-anon. Kon dili kita maglakaw diha sa Espiritu, magapamuhat kita nga unudnon. Maghago kita nga unudnon. Modagan ta ug kapuyon. Maglakaw ug mamuypoy. Mahimo kitang ma-aligutguton ug gipangkapoy. Kon dili kita makakat-on sa paglakaw nga hini-usa sa Bala-ang Espiritu, mahimong lisud nga yugo ang Kristohanong kinabuhi ug mahimong bug-at nga palas-anon ang buluhaton.

Ang bakul nga tawo diha sa Bibliya naglingkud ug nagpakalimos imbes nga mag-ambak-ambak ug magdayeg. Nangayo siyag limos, apan ang iyang gikinahanglan ma-o ang ka-ayohan. Wala mohatag og salapi sila si Pedro ug Juan kaniya aron matabangan siya. Gihawiran hinu-on ni Pedro ang iyang kamot ug gipabarug siya—pina-agi sa gahum sa Gino-o—ug ang tawo nagsugod sa paglakaw. Dalaygon ang Dios! Apan bisan siya nakalakaw na, ang iyang panginahanglanon sa panalapi nagpabilin nga sama gihapon sa kaniadto. Sa pagkatinu-od, wala ma-usab ang iyang pang-gawas nga kahimtang, apan nagsugod na siya sa pagmaya ug pagdayeg sa Gino-o, unya misulod siya sa templo. Nagdala kini nga milagro sa daghang mga nanglantaw sa pagbutang sa ilang pagtu-o diha kang Kristo.

Nasabtan nako ka-ayo kining tawhana! Usa ako ka bakul nga pangulo kani-adto nga naglingkod sa gangha-an, nangayo og limos gikan sa Gino-o. Ang limos nga akong gigukod ma-o ang milagro ug gahum sa Bala-ang Espiritu. Nagtu-o ko nga ma-o kini ang makapabag-o sa tanan sa akong kinabuhi ug buluhaton. Nakahinumdom ko nga nagpakilimos ako sa usa ka tawo nga gigamit pag-ayo sa Gino-o, aron i-ampo ako aron nga makabaton og gahum sa akong kinabuhi. Kining tawhana gitutokan ako pag-ayo ug mi-ingon, Dili ako mohatag kanimo og gahum. Dili nimo kinahanglan ang gahum. Gikinahanglan nimo nga masayran ang Bala-ang Espirito sa personal nga pama-agi ug Siya ang mobuhi sa Iyang gahum. Sa la-in pang pagkasulti, dili nato kinahanglan ang limos (milagro, mga manipestasyon, gahum)—kinahanglan nato nga maglakaw diha sa gahum Niya nga ana-a na da-an nagpabilin diri kanato. Kinahanglan nga mahimo kitang maka-ila pag-ayo sa Bala-ang Espiritu– dili lang makahibalo og dugang mahitungod Kaniya apan personal nga ma-ilhan Siya isip nga higala. Ang kamatuoran, dili na kita makapangayo og dugang pa nga bahin sa Espiritu Santo tungod kay Siya usa man ka indibidwal nga Persona—ana-a na Siya kanato sa Iyahang kinatibuk-an. Apan mahimo nato ug kinahanglan nga paningkamutan nga ma-ilhan Siya nga personal, sa makadaghan sa kada adlaw pina-agi sa pag-gahin og dugang pa nga panahon uban Kaniya ug paghigugma Kaniya, pagkinabuhi uyon Kaniya, ug pagpaminaw sa Iyang hilum nga tingog nga makigsulti kanato sa atong espiritu.

Ma-o kana ang nagsugod nga panghitabo kanako. Na-usab ang akong pag-ampo gikan sa Gino-o taga-i ko sa Imong gahum sa Bala-ang Espiritu, gusto ko nga maka-ila pa pag-ayo Kanimo. Ang klase sa pag-ampo nga imohang gi-ampo nagpadayag pag-ayo mahitungod sa imong pagpanabut sa Gino-o ug sa imong ka-ugalingon. Sa sambingay sa anak nga nawala, ang manghud nga lalaki nangayo Ihatag kanako kon unsa ang akoa ug nagdala kini kaniya palayo sa iyang amahan. Apan human siya nahimong desperadong uyamot na-usab ang iyang pag-ampo nga Himo-a ako nga imong sulugu-on (Lukas 15:11-32). Kinahanglan natong usbon ang atong mga hangyo ug pangayu-on kon unsa ang labing mahinungdanon. Ang pagpangayo og limus, temporaryo lamang nga solusyon alang sa bakul nga kinabuhi. Ang bakul nga tawo nagkinahanglan og milagro nga makalakaw, dili ang milagro sa kwarta. Oo, nagkinahanglan ang atong kasimbahanan og pagkapukaw apan ang labing ma-ayong gikinahanglan ma-o ang mga tawo nga mahigugma sa Bala-ang Espiritu. Disperado kita nga nangayo sa mga milagro, tima-ilhan, ug mga kahibulongan, apan ang matu-od nga atong gikinahanglan ma-o ang Persona sa Bala-ang Espiritu nga mamatikdan, pasidunggan, ug himaya-on sa atong mga kinabuhi.

Hinay-hinay lang apan sigurado, na-usab ang akong espirituhanong kinabuhi gikan sa pagkamang ug pagkapandol ngadto sa paglakaw uban sa akong personal nga Higala, ang Bala-ang Espiritu. Tingali wala ko magdagan o mosulbong pag-ayo sa Espiritu, apan mas nahimo Siyang tinu-od kaysa sa kani-adto. Dili na lamang Siya usa ka pwersa, apan akong pinakasu-od nga Higala. Dili na lamang Siya gahum, apan tinu-od na nga Persona.

Sa panahon sa usa ka panagtigum, si Andres Bisonni, nga akong girespeto pag-ayo ug gitahud, mihunghong samtang nag-ampo siya alang kanako, Ang Bala-ang Espiritu nagatawag kanimo nga Iyang higala. Wala pa ko maka-ila sa personal kang Andres ni-adtong panahona apan pina-agi lamang sa iyang mga video sa YouTube. Ang mga pulong gikan ni-ining alagad sa Gino-o, nga ngadto-ngadto nahimo nakong higala, nakapalig-on sa akong relasyon sa Bala-ang Espiritu. Nindot ka-ayo nga paminawon nga ang Bala-ang Espiritu nagtawag kanako nga Iyang higala.

Palihug paminawa ang akong kasing-kasing ni-ining tibu-ok nga libro. Dili ako eksperto mahitungod sa Bala-ang Espiritu, o kaha usa ka labaw sa kahibulongan nga magsusulat og libro. Apan bisan pa man, sukad nga ang Bala-ang Espiritu nahimong tinu-od gayud nga Persona kanako, daghan na akong nakitang mga milagro, kaluwasan ug mga pagpahigawas sukad sa kani-adto pina-agi sa buluhaton nga gisalig sa Gino-o kanako. Sa Hungry Generation, nakakita na kami karon og mga milagro sa makanunay. Karon, matag panimbahon, aduna gayuy tawo nga mohatag sa ilang kinabuhi kang Hesus, kon ikompara sa una, nga milabay ang duha ka tu-ig nga walay bisan usa nga nagpabawtismo sa tubig ug halus unom ka bulan nga wala kami’y makita nga naluwas. Dili ang mga milagro ma-o ang tumong; kondili ang kaluwasan hinu-on. Sa akong personal nga nakita, nakamatikud usab ako og ka-usaban sa akong batasan, ug mapamatud-an kana sa akong asawa. Apan labawng mahinungdanon, ang Bala-ang Espiritu nahimong tinu-od ug bililhon nga Higala kanako.

Naglingkud ka tingali atubangan sa gangha-an sa imong templo karon, nagpangita gyud sa gahum sa Gino-o o dili kaha sa ordinaryo nga ka-usaban sa imong kinabuhi ug ministeryo. Wala akoy la-ing tinago nga mga sikreto nga i-katanyag kanimo. Plata ug bulawan, wala ako ni-ana, apan ang ni-a kanako, mao