Stori Sydyn: Tu ôL i'r Tiara
()
About this ebook
Related to Stori Sydyn
Related ebooks
Hanes Rhyw Gymraes - Hunangofiant Sharon Morgan Rating: 0 out of 5 stars0 ratingsMab y Mynydd Rating: 0 out of 5 stars0 ratingsO'r Gwlân i'r Gan Rating: 0 out of 5 stars0 ratingsDyfroedd Dyfnion - Hunangofiant John Elfed Rating: 0 out of 5 stars0 ratingsHunanbortread David Griffiths Rating: 0 out of 5 stars0 ratingsCyfres Amdani: C'mon Reff! Rating: 0 out of 5 stars0 ratingsShwd Ma'i yr Hen Ffrind Rating: 0 out of 5 stars0 ratingsHud a Lled - Hunangofiant Eirian Wyn: Hunangofiant Eirian Wyn Rating: 0 out of 5 stars0 ratingsHaf o Hyd? Rating: 0 out of 5 stars0 ratingsDelme - Hunangofiant Delme Thomas: Hunangofiant Delme Thomas Rating: 0 out of 5 stars0 ratingsWyn Mel - Y Fi a Mr Urdd a'r Cwmni Da Rating: 0 out of 5 stars0 ratingsStori Sydyn: Y Goliau a'r Dagrau - Stori Tash Harding Rating: 0 out of 5 stars0 ratingsStori Cymru - Iaith a Gwaith Rating: 0 out of 5 stars0 ratingsHanner Amser Rating: 0 out of 5 stars0 ratingsCam o'r Tywyllwch Rating: 0 out of 5 stars0 ratingsStori Sydyn: Wil ac Aeron Rating: 0 out of 5 stars0 ratingsCat - Y Pump Rating: 0 out of 5 stars0 ratingsAllan o'r Cysgodion Rating: 0 out of 5 stars0 ratingsFfyrdd y Wlad Rating: 0 out of 5 stars0 ratingsNadolig, Pwy a Ŵyr? Rating: 0 out of 5 stars0 ratingsBywyd ar Ddu a Gwyn - Hunangofiant Annette Bryn Parri Rating: 0 out of 5 stars0 ratingsSgen I'm Syniad: Snogs, Secs, Sens Rating: 0 out of 5 stars0 ratingsY Delyn Aur Rating: 0 out of 5 stars0 ratingsStori Sydyn: Hiwmor Nigel Rating: 0 out of 5 stars0 ratingsGwynt Braf, Y Rating: 0 out of 5 stars0 ratingsCyrraedd yr Harbwr Diogel Rating: 0 out of 5 stars0 ratingsCyw Haul Rating: 3 out of 5 stars3/5Stori Sydyn: Jamie – y Llew yn Ne Affrica Rating: 0 out of 5 stars0 ratingsGolygon Rating: 0 out of 5 stars0 ratingsO'r Da i'r Direidus Rating: 0 out of 5 stars0 ratings
Reviews for Stori Sydyn
0 ratings0 reviews
Book preview
Stori Sydyn - Courtney Hamilton
ISBN: 978 184771476 3
© Courtenay Hamilton a’r Lolfa, 2012
Mae Courtenay Hamilton wedi datgan ei hawl dan Ddeddf Hawlfraint, Dyluniadau a Phatentau 1988 i gael ei gydnabod fel awdur y llyfr hwn.
Cedwir pob hawl. Ni chaniateir atgynhyrchu unrhyw ran o’r cyhoeddiad hwn, na’i gadw mewn cyfundrefn adferadwy, na’i drosglwyddo mewn unrhyw ddull na thrwy unrhyw gyfrwng, electronig, electrostatig, tâp magnetig, mecanyddol, ffotogopïo, recordio nac fel arall, heb ganiatâd ysgrifenedig ymlaen llaw gan y cyhoeddwyr, Y Lolfa, Talybont, Ceredigion, Cymru.
Mae’r prosiect Stori Sydyn/Quick Reads yng Nghymru yn fenter ar y cyd rhwng Llywodraeth Cymru a Chyngor Llyfrau Cymru.
Argaffwyd a chyhoeddwyd gan
Y Lolfa, Talybont, Ceredigion SY24 5HE
gwefan www.ylolfa.com
e-bost ylolfa@ylolfa.com
ffôn 01970 832 304
ffacs 832782
Pennod 1:
Canu a choronau
‘Dad, mae’n bryd i ti fynd lan llofft i wylio’r pêl-droed!’
Dyna fyddai cri daer fy chwaer a fi yn ystod un digwyddiad arbennig bob blwyddyn pan oedden ni’n blant bach. Pam yr holl weiddi? Roeddwn i a’m chwaer, Lauren, yn barod i setlo ar y soffa i wylio cystadleuaeth Miss World ar y teledu. Nid bod yr un o’r ddwy ohonon ni’n breuddwydio am fod ar y llwyfan hwnnw’n cystadlu ryw ddiwrnod. O na, doedd hynny ddim yn wir o gwbl.
Diddordeb digon arwynebol oedd ’da ni yn Miss World. Roedd Lauren a fi’n hoffi gweld y merched yn eu gwisgoedd hyfryd ac astudio steil eu gwallt. Roedd y goleuadau llachar a’r holl sioe yn ein swyno. A bod yn onest, roedd Lauren a fi hefyd yn mwynhau chwerthin ychydig wrth weld pa mor ofnadwy roedd rhai o’r merched yn edrych. Roedd nifer ohonyn nhw’n swnio’n waeth byth wrth gael eu cyf-weld. Oedd, roedd hyn yn rhywbeth fyddai’n digwydd yn ein tŷ ni bob blwyddyn am amser hir. Ond doedd dim mwy o awydd ’da fi i fod yn rhan o’r holl sioe nag y byddai ’da fi i fod yn yrrwr lorri!
Syndod mawr iawn i fi, felly, a minnau erbyn hynny’n hŷn, oedd pacio fy magiau’n llawn o ffrogiau hir, crand a hedfan mewn awyren i ben draw’r byd. Mynd i China roeddwn i – i sefyll ar lwyfan yng nghwmni merched ifanc o sawl gwlad arall dros y byd i gyd a chystadlu am y teitl Miss World 2010. Roeddwn i yno ar ôl ennill teitl Miss Cymru 2010, ac yn falch iawn o’r fraint o gael cynrychioli fy ngwlad. Ond dwi’n symud yn llawer rhy gyflym nawr. Fe wna i ddod yn ôl at stori ennill y teitl Miss Cymru a chystadlu am Miss World ymhellach ymlaen.
Pan oeddwn i’n ifanc, doeddwn i ddim yn rhan o fyd y beauty pageants o gwbl. Freuddwydies i ddim am gymryd rhan mewn cystadlaethau tebyg tan y flwyddyn yr enilles i’r teitl Miss Cymru. Cyn hynny, roeddwn i’n llawer mwy cyfarwydd â chystadlu mewn eisteddfodau, a dweud y gwir. Yn yr ysgol gynradd a’r ysgol uwchradd, byddwn i’n amlwg iawn yn y cystadlaethau canu. Ond, unwaith eto, fyddai fawr o awydd canu ’da fi chwaith heblaw yn eisteddfodau’r Urdd. Fyddwn i ddim yn edrych ar raglenni teledu yn llawn o sêr pop ifanc nac yn ysu am fod yn debyg iddyn nhw ar ôl tyfu lan. Roedd gwrando ar gerddoriaeth yn ddigon i fi. Erbyn hyn, rydw i’n cael fy hyfforddi i fod yn gantores glasurol ac felly canu yw fy mywyd.
Canu a byd y beauty queen. Dyna ddau fyd doeddwn i ddim wedi ystyried bod yn rhan ohonyn nhw pan oeddwn i’n ifancach. Ond y ddau beth yma sydd wedi cael y dylanwad mwya ar fy mywyd yn ystod y flwyddyn ddiwetha. Mae’n rhyfedd sut mae cwrs fy mywyd wedi datblygu a newid. Mae’r bywyd hwn mor wahanol i’r bywyd roeddwn i wedi meddwl amdano pan oeddwn yn blentyn.
Beth roeddwn i am fod pan oeddwn i’n blentyn ’te? Beth oedd gen i ddiddordeb ynddo a sut roeddwn i’n llenwi fy amser? Mae’r atebion i’r cwestiynau yna’n mynd â fi ’nôl at fy nheulu a’r ffordd y cawson ni fel merched ein codi. Bellach dwi’n un o bedair chwaer, gan fod Darcie a Seren wedi dod i’r byd ers y cyfnod pan oedd Lauren a fi’n mwynhau gwylio cystadleuaeth Miss World gyda’n gilydd. Felly, mae pedair merch i sgrechen ar Dad erbyn hyn, druan ohono fe!
Pennod 2:
Môr a Mynydd
Roedd gan Dad a Mam ddiddordeb mawr mewn mynydda. Fe gwrddon nhw yng Nghanolfan Awyr Agored y Storey Arms, ger Aberhonddu. Roedd fy nhad, sy’n dod o Lundain, yn hyfforddwr yno. Roedd Mam yn un o’r aelodau ar y cwrs roedd Dad yn ei hyfforddi. Byd y mynyddoedd, y llethrau a’r clogwyni oedd wedi dod â nhw at ei gilydd, felly. Dyna oedd eu bywyd, ac wedi’r cyfarfod cynta hwnnw ar y cwrs fe wnaethon nhw ddechrau mynd mas gyda’i gilydd. Cyn hir roedden nhw mewn perthynas sefydlog ac yn rhannu’r un cariad tuag at fynydda. Am flynyddoedd lawer fe grwydron nhw yng nghwmni ei gilydd a dringo mynyddoedd mwya’r byd. Roedd teimlo’r awyr iach yn eu hwynebau’n hollbwysig iddyn nhw, ond hefyd, byddai teimlo’r wefr o