Hi Le Vuton'wini!
()
About this ebook
Hi Le Vuton'wini! i tsalwa ra vutlhokovetseri leri khumbaka timhaka to hambanahambana to hlomula mbilu, na to tsakisa leti vanhu va hlanganaka na tona evuton’wini.
Tsalwa leri ri chavelela ngopfu mindyangu leyi lahlekeriweke hi varhandziwa ni maxaka va vona.
'All the POEMS serve as comfort for grieving families.'
Miyelani Anthonia Hlungwani
Miyelani A. Hlungwani u vonile ku tlhava ka dyambu hi ti 12 Mhawuri 1989. U tshama eka Mukhomi eka Malamulele. Hi lembe ra 2007 u pasile ntangha khume, ivi a ya eYunivhesiti ya Venda la ha a nga fika a endla Bachelor of Arts in Media and Language Studies. A tlhela a ya eYunivhesiti ya Afrika-Dzonga la ha a nga fika a endla BA(Hons) in African Languages. U tirhile eka tikhaphani to hambanahambana to humelerisa matsalwa ku nga: Via Afrika Publishers, Macmillan Publishers SA na Maskew Miller Longman Publishers. U LO TIKHANYA i buku yakwe yo sungula. Buku leyi yi kombisa vutomi lebyi vana va masiku lawa va byi hanyaka eswikolweni ni le makaya.
Related categories
Reviews for Hi Le Vuton'wini!
0 ratings0 reviews
Book preview
Hi Le Vuton'wini! - Miyelani Anthonia Hlungwani
Tsalwa leri ra switlhokovetselo ndzi ri kongomisa eka vana va mina MUYIMERI na UNAHINA hikokwalaho ka ku tiyisela ka vona no amukela leswaku rirhandzu ra tatana ra kayivela eka vona loko ndzi ri karhi ndzi tsala tsalwa leri.
Ndzi ba mandla ndzi vuyelela vananga!
VUJAHA BYA VUSOPFA
A ndzi ku ndzi dya ndzi sula milomu,
Kasi a ndzo tixisa!
Namuntlha ndzi hlotiwa tanihi xihari,
Ku rhandza xikete swi ndzi pete nhloko.
A ndzi nga hlawuli ndluwa ndzi siya hove,
A ndzi tidibisa ni marhole!
A ndzi ta rima hambi ku nga ri na ndzhongo!
Mavele ya za ya hlometela,
Ku twa ku swi endlile,
A ndzi nga ha wu veki!
Hambi ya mila ni ritlangi kumbe njhani,
A ndzi nga ti ngheni!
Wa mina ntirho ndzi tirheli.
A a ta sala a xi ondla mana wa xona,
Mina ndzi tlulele kun’wana.
Ku mundzuku ti nga vuya hi mina,
A ndzi nga swi lemuki.
Kambe se byi hundzulerile.
Siku na siku ku nghena marungula,
Tinqingho a ndza ha vuli.
Vanawu va bava va khalakatsa.
Va lava xuma xo ondla vana,
Hikuva a va dyi mabyanyi a hi marhole.
Ndzi ta tsutsumela kwihi?
Hikuva laha ndzi tirhaka kona va ku tiva.
Leyi i mhangu ku tilavela.
Ndzi byi bombile vujaha bya vusopfa!
Dyondza hi mina makwerhu,
Tixixime u xixima ni van'wana.
U RHETE NJHANI?
Siku u nga beburiwa,
Manana na tatana va be michongolo na swivuvuna,
Va ku: Xikwembu xi xi twile xirilo xa vona.
Kokwana N’wa-Risimati yena ke?
A ku: Ntukulu u ta ndzi heleketa emudendeni.
Hinkwaswo leswi ku ri ku tixisa ka vatswatsi!
Rirhandzu va ku nyikile vusiku ni nhlekanhi,
A wu nga konyi kambirhi u nga tsutsumiseriwangi xibendhlele,
Swikolo a wu langeriwa leswinene.
Ku siku rin’wana u ta cica mavala a va swi tivangi.
U teke mikateko ya wena u tiendlela xibazana xo ya xitokisini,