Iliwa libhek’ umoya
()
About this ebook
Ndithabath’ usiba kuba ndichukunyiswa ziimeko neenkxwaleko abathi badibane nazo abantu kulo mhlab’ umagad’ ahlabayo. Oonozala baqamela ngeenyembezi kub’ ikat’ ilel’ eziko. Wachithek’ umzi wazintsaba zahlukane kub’ umbundane udle de yangugelekeqe. Apha ebomini xa uthe wanyamezela uvume ukuba ngumthi ogotywa uselula Ikamva lakho liyaqaqamba de liqhakraze. Umzali ubonakala enegalelo kwanenxaxheba ekwakheni Ikamva lomntwana. Udlala indima enkulu ukululekeni umntwana. Sibona abantwana begcwele ezitalatweni ngenxa yokungabikho komzali. Xa kusifa intaka endala amaqanda ayabola.
Kule ncwadi kukwaxhotyiswa uluntu ngobungozi bobhelu lomsele kuba lungudl’ omdlayo. Kukwavezwa nendlela apho athi abekwe amabala esonyeliswa ngayo lowo uthe waba yinkokheli engqongqo. Inkokheli ibonwa ubunja nentw’ engento ngabantu abayijongele phantsi.
Aph’ ebomini kukho izinto ezibangel’ umtha wedolo kwabo baziphethe ngokungenabatha. Kukho abantu abangenalusini, abasimilo sinemihlisela. Le ncwadi ibethelela uluvo lokuba xa abantu benokuba ngamaphuth’ ahlathinye, bakhothan’ amanxeba, bangasichila nasiphi na isichotho esingxamele ukutshabalalisa ikamva labo.
EMbo mz’ ontsundu, midaka yakowethu. Zemk’ iinkomo magwalandini!
Yonela Thengimfene
NdingumXhosakazi oluthandayo ulwimi lwenkobe. Apha ebomini ndingakholwa ukuba isizwe esintsundu singabuyela eMbo, siqiniseke ukuba isintu nesithethe zizinto esigxila kuzo khon' ukuze abantu bangayilahli inkcubeko yabo. Ndingumntu ozingcayo ngolwimi lwam. Ndikhuthazeke kakhulu ngumama wam ondizalayo, uMam' uNomini Thengimfene ohlala ethetha ulwimi lwenkobe. Ndithe ndiselula ndafunda nto kuye. Kum ndiye ndazingca ndathwal' intshinga ngolwimi lwenkobe. Ndafumaniseka ukuba awungomntu ngaphandle kolwimi lwenkobe. IsiXhosa sithi ungalahl' imbo yakho ngophoyiyane. Ndifun' ukuthi singamaXhosa masingaphapheli ulwimi lwaseNtshona. Masizingce ngesiXhosa sethu.
Related categories
Reviews for Iliwa libhek’ umoya
0 ratings0 reviews