Phumola Dikeledi
()
About this ebook
Mabaka a teng a bohloko le a thabisang. Haholo ha ke hopola bothata ba bophelo bo re fetileng ho bona, naheng ena ka lebaka la kgethollo, le mo re leng teng kajeno pusong ya tokoloho Aforika Borwa.
Ha re ruteng bana ba rona hore tokoloho re e sebeleditse ka thata, ha e ya itlisa; empa e sebeleditswe. Ke tokelo ya rona ho phumola dikeledi tsa thabo ka se re se fihlelletseng, re itlhomphe, re thusane ho ntshetsa naha ya rona pele le ho e boulella.
Related categories
Reviews for Phumola Dikeledi
0 ratings0 reviews
Book preview
Phumola Dikeledi - LFT Semanamana
Tho! Tho! Tho! Tho! Thoo!
Tsa rotha tsa phalla dikeledi,
Mahlo a hao, a kopotsa didiba,
Ha o iketse, ke pelo e bohloko,
Se e dumelle phumola dikeledi.
Pelo e imetswe ha o iketsisi
E a kgera, e a balabala
E tshela mawatle, e tlola dithaba
Fubeng sa hao, e a ubauba]
Phumola dikeledi, di tle di ome.
Ho molemo o lle o tle o fole,
Pelo e bohloko e tle e tele,
Keledi di tsholohe, di phorosele,
E be mmusapelo, bohlokong ba pelo,
Phumola dikeledi, di tle di ome.
Di teng tsa thabo dikeldi,
Tsa dintle tsa teboho tsa monyaka,
Mohla o lalang o imakaletse,
Ho tlile jwang, o fumane katleho,
Phumola dikeledi, thala, o keketehe.
Di na le molemo di fodisa pelo,
Di o tlisetsa thabo o imakalle,
O hloke mantswe a ho iteboha,
Boroko o lale o sa bo hlotha,
Ha di rotha, di phumole dikeledi.
2. O mo tshepisa mang?
Jo! O tlallane lerato le o feletse,
O re: Ke kgokgo ha o sa mo rata,
Hara mathaka o a o theola,
O tena potsotso o a kwakwaila,
Ke mamodukule mohloka thopola,
O mo supa dipha o bala dikodi
Mpollele o mo tshepisa mang?
O mo hwibitse habo e le pabala
E le setsoto thakeng tsa hae
Mohaladitwe palesa ya hlabula
Wa re kgaodisa hoja re mo tjametse
Pelo tsa uba ra itshwara dinala
Ra tshwara hlolo ka boya ra sarelwa
Mpolelle o mo tshepisa mang?
Tshepisong tsela o kwenehile
Ratong lela la mohla monene
Ha o ne o mo kgakga le borokong
Setshwantsho se robala mosamong
Motsamaisi wa poso a matha patlaka
Ha le bajilwe a nkuwe ke mang?
Mpolelle o mo tshepisa mang?
Thotholokwana ya ofela lapeng labo
E tlola seven days a rwala keisa
A thella sa pitsi ya setala
O re: E tlole kgokgotsi ya mehleng
Mme ha e pala ha o sa e rata
Mpolelle o mo tshepisa mang?
O bone ofe o re bolelle
Ya o lebatsang kano o di entse
Kapa o jesitswe somolandela
E hlolang e bolelwa matsemeng
Ha o heletsa mokhukhu o o hlomile
Wa hao jwale a nkuwe ke mang?
Mpolelle o mo tshepisa mang?
Tadima maadingwana a lona
Ha a fata meqomong o phela
Empa o ba tlisitse bophelong