onvensionele opinies oor plaveisel, gaan meer dikwels as nie, van die veronderstelling uit dat plaveisel – of dit nou in die vorm van ‘n paadjie, oprit, binnehof, patio of selfs as ‘n beddingrandjie of swembadrand is – hoofsaaklik gebruik word om ‘n area meer gebruiksvriendelik te maak of om bloot ʼn praktiese funksie te verrig. Geplaveide oppervlaktes word dikwels gesien as die finale ‘invullers’ of ‘oplossings’ vir daardie lastige oorblywende of negatiewe spasies wat oorbly sodra ons die aangeplante tuin (met al die sensuele goedjies) voltooi het. Andersins, en in baie gevalle, word plaveisel dikwels gebruik as ‘n sinvolle of nuttige ondersteunende hulpmiddel vir daardie reeds aangeplante areas wat
