Die maatskappy Burris, genoem na wyle Don Burris, het geen bekendstelling nodig by Suid-Afrikaanse jag- en skietentoesiaste nie, en vervaardig sedert 1971 kwaliteit- optiese toerusting in Greeley, Colorado in die VSA.
Don Burris was aanvanklik ’n ontwerpsingenieur by Redfield, ’n optiese maatskappy wat in Denver gesetel is, wat geglo het dat hy ’n beter teleskoop kon bou as wat beskikbaar was.
Gedurende sy 12 jaar lange loopbaan by Redfield het hy op produkontwerp en bestuur gefokus en was verantwoordelik vir verskeie innovasies binne die optiese vervaardigingsbedryf.
Van sy innovasies was die eerste konstant-gesentreerde, nievergrotingskruishaar binne geweerteleskope met veranderlike vergrotings, ’n ontwerp wat van-dag nog in 99% van alle geweerteleskope gebruik word;