Vuurwapenbesit is in die meeste Westerse lande ’n onderwerp wat gereeld tot hewige debatte lei. Australië is geen uitsondering nie, maar soos ek oor die afgelope paar maande uitgevind het, is die benadering wat die Aussies volg ietwat anders as wat in Suid-Afrika die norm is.
Toe ek en my vrou in Augustus laas jaar in Australië aangekom het, was ons, net soos enige nuwe immigrant in ’n vreemde land, so ietwat uit ons diepte vir die eerste paar weke. Die eerste ding wat ons moes doen, was egter om bestuurslisensies in Australië in die hande te kry. Met die wete dat ’n bestuurslisensie op die beste van tye ’n opdraande stryd in Suid-Afrika is, het ek maar redelik opgesien teen dié takie. Tot my groot ver-basing het die vriendelike mense by die lisensiekantore my sommer dadelik gehelp. Dit was nie tien minute nie of my tydelike lisensie was in my hande, die foto’s was geneem, en my Aussiebestuurslisensie (wat ook as bewys van