Weens die beperkings en onsekerheid rakende Covid-19-regulasies is besluit om dié twee skietkompetisies later as gewoonlik in die jaar aan te bied, naamlik op 24 en 25 September 2021 op die Meerkatgat-skietbaan. Hierdie twee kompetisies verskil van mekaar aangesien die Intertakspanskietkompetisie uit 30 vyfmanspanne (150 skuts) bestaan en die Presidentskietkompetisie uit 150 individue wat teen mekaar kompeteer.
Skiettoestande: Gedurende die twee dae was die windhet ook ’n taamlike rol gespeel. Die skuts het hulle egter nie daardeur laat ontsenu nie en die skietstandaard was baie hoog, soos die tellings getuig.
