’n Belgiese ‘Cap-and-Ball’

EK DEEL ROBIN Barkes se entoesiasme oor allerhande outydse cowboyskietgoed en toebehore waaroor hy in Magnum skryf. Ekself het ʼn ou sesskoot voorlaai ‘cap-and-ball’ rewolwer in ʼn goeie toestand, wat lesers onmiddellik as ʼn Hartford Colt 1860 ‘Army’-tipe, vir burgerlike gebruik, sal herken.

Dié rewolwer, met sy slanke lyne, is nie verblou nie en ek het eers gedink dit is van vlekvrye staal gemaak. Dit is egter gepoleerde staal, wat glo spesiale hitte-behandeling ontvang het. Die snellerbeuel is geelkoper, en die greep is van okkerneuthout. Die loop van 5.5 duim is effens korter as die militêre weergawe. Die silinder is buite gekanneleer en op die staal